9月9日

大家好呢~!今日教大家整一個又好味....又特別....口感又好既蛋糕喔~
就係千層蛋糕啦~~~呢個cake既口味都好彈性....
因為裡面既生果.....係可以自選....你鐘意放咩野就放咩野嫁啦~~
我點解突然想整呢個cake....係因為我覺得我成日整來整去都係果幾款...
好似無咩新意思....所以今次就專登選一款cake係可以搞搞新意思啦~^^"
今次仲有老公仔既朋友試食...大家都話好食呀...個個都話正~~
今次咁成功....下次有朋友生日...就有新款cake啦...yeah~
比大家睇下相先啦....今次我放左士多啤梨同埋芒果....
想放藍莓但係無減價呀...唔捨得買呀....好貴唷~~*

呢個蛋糕....最緊要既係組合果一part....手工好緊要.....要每層按實....
如果唔係切開時會唔靚....可能仲有洞洞....咁就唔靚嫁啦~^^~*

睇下幾多生果!! 正呀~~~睇翻相我都流哂口水呀~*

切開都唔易散....唔會易溶....分餅時又一定靚仔整齊....可以拎去賣啦~~yeah~~*

日式鮮果千層蛋糕    (參考自 "自家製1磅蛋糕" 食譜書)

材料 : (6吋蛋糕一個)

班戟皮

砂糖                             10g
鹽                                 少許
雞蛋                             一隻
淡忌廉                         60g
鮮奶                             100g
水                                 80g
低筋麵粉                     80g
牛油                             15g   (熱溶)

忌廉慕思

魚膠粉                         4g
鮮奶                             35g
淡忌廉 (打起)             200g
煉奶                             30g   (我覺得唔夠甜...加多左份量....原份量係15g)
香油                             2滴
RUM酒                        8g

雜果                             150g   (切小粒, 我用了芒果及士多啤梨)

海綿蛋糕                     2片    (可以買....或者參考雪芳蛋糕做法)

小夢自家做法 :

1) 海綿蛋糕出爐後待涼, 切出兩片, 分別為1cm及0.6cm
2) 先做班戟皮, 先將糖 / 鹽 / 蛋拌勻, 加入淡忌廉 / 鮮奶 / 水拌勻,
     最後篩入低粉, 再加溶牛油拌勻, 用篩將粉粒篩走   (圖1)
3) 用易潔鑊以慢火煎成6塊班戟皮, 再以6吋的圓模印出圓形  (圖2-5)
4) 先切好雜果, 盡量細粒一點  (圖6)
5) 預備一個6吋活底蛋糕模, 先放入一塊卡紙及圍邊膠條, 再放入一塊厚海綿蛋糕
6) 做忌廉慕思, 先將魚膠粉與鮮奶拌勻, 隔熱水座溶  (圖7)
7) 打起忌廉  (圖8) , 加入煉奶 / Rum酒 / 香油 / 鮮奶魚膠水拌勻 (圖9-10)
8) 先將蛋糕模放上電子磅, 因為要計好每一層只要放 1/7 份的忌廉, 要準確
9) 順序由底數上去既次序係 :   (圖11-12)
    1cm海綿蛋糕->3層班戟皮->0.6cm海綿蛋糕->3層班戟皮
    每一層中間塗上忌廉慕思, 及平均地鋪上鮮果, 小心不要留有空位
    小夢砌最後一層時, 沒有放生果, 只有忌廉, 因為想令面層平滑好看一點
10) 放入雪櫃至凝固即可

好耐無搞搞新意思啦~~希望大家鐘意我呢一個新蛋糕....
如果你地試做左....記得話我知呀~~*